კუსკუსის არსებობა ათეულ ათას წელს ითვლის და ამასთან დაკავშირებით უამრავი გადმოცემა თუ ისტორია არსებობს. ლეგენდის თანახმად, ჯერ კიდევ ჩვენ წელთაღრიცხვამდე, დედოფალი შებას სიყვარულით დატანჯულ მეფე სოლომონსაც კი ურჩევდნენ დიდი რაოდენობით კუსკუსი მიეღო და ამით შეემსუბუქებინა განცდები.

აფრიკის, ახლო აღმოსავლეთის ქვეყნების კულტურასა და ოჯახებში, სადღესასწაულო რიტუალებში მყარად ფეხის მოკიდების შემდეგ, კუსკუსი ევროპაშიც ფართოდ გავრცელდა და ხმელთაშუა ზღვის ქვეყნების სამზარეულოს მნიშვნელოვანი ნაწილი გახდა.
მეთექვსმეტე საუკუნეში კუსკუსმა სამხრეთ ამერიკაშიც ჩააღწია და ბრაზილიის ერთ-ერთი საყვარელი ბურღული გახდა.

ხელმისაწვდომობის, სასარგებლო თვისებების და მრავალფეროვანი გამოყენების გამო, მრავალი საუკუნეა, რაც კუსკუსი ყველა კონტინენტზე გამოიყენება და დამსახურებულად აქვს შერქმეული მეტსახელი „მსოფლიოში სახელგანთქმული“.