ცნობილი ლეგენდის მიხედვით, ჰიმალაის მარილის პოპულარიზაციას ალექსანდრე მაკედონელის ცხენებს უკავშირდება. როდესაც ჩვენს წელთაღრიცხვამდე 320 წელს ალექსანდრე მაკედონელი თავის არმიით ჰიმალაის მთებს მიადგა და შესასვენებლად შეჩერდა, ცხენებმა კლდეზე ლოდების ლოკვა დაიწყეს, რითაც მებრძოლების ყურადღება მიიპყრეს.

სწორედ ჰიმალაის ძირში, პაკისტანის ტეროტორიაზე მდებარეობს მარილის ყველაზე დიდი საბადო, რომელიც 250 ნილიონი წლის წინ წარმოიშვა ოკეანის აორთქლების შედეგად. მილიონობით წლის წინ მარილი ამოფრქვეული ლავის სქელი ფენით დაიფარა, აიტომ მოაღწია ჩვენამდე პირვანდელი სუფთა და უნიკალური სახით.

ადგილობრივმა ცივილიზაციებმა ათასწლეულების წინ აღმოაჩინეს მიწაში ჩამალული ბუნებრივი საგანძური და ყოველდღიურ ცხოვრებაში გამოყენება დაიწყეს, მაგრამ ჯერ ორი საუკუნეც კი არ არის, რაც დანარჩენი მსოფლიოსთვისაც ხელმისაწვდომი გახდა ჰიმალაის მთების ეს უნიკალური პროდუქტი.