გოჯი ბერის ხშირად ეძახიან ჯადოსნურ კენკრას, რომელიც სიცოცხლეს ახანგრძლივებს. ჩინეთში დღემდე ცოცხლობს არაერთი ლეგენდა, რომელიც მოგვითხრობს გოჯი ბერის სასწაულებზე. მაგალითად, მოგზაურ ექიმზე, რომელიც წააწყდა სოფელს, სადაც ყველა მაცხოვრებელი 100 წელზე ხნიერი იყო.

როდესაც მიზეზის გარკვევა დაიწყო, აღმოაჩინა, რომ მათი წყალსაცავი ჩაფლული იყო გოჯის კენკრის ბუჩქებში, ნაყოფი წყალში ცვიოდა და მთელი სოფელი ამ ნაყენს მოიხმარდა ყოველდღიურად.

ასევე საინტერესო ლეგენდაა შემორჩენილი კაცზე სიჩუანის პროვინციიდან, რომელიც 1933 წელს გარდაიცვალა და ამტკიცევდა, რომ 256 წლის იყო. შემორჩენილია მისი, როგორც ჰერბალისტის ჩანაწერები გოჯი ბერის გამოყენების შესახებ.