კამუ კამუს ფხვნილი

„დღეგრძელობის ხილი“

ლეგენდა

უხსოვარ დროს, ამაზონის ჯუნგლებში მცხოვრებ ადამიანებს სჯეროდათ, რომ ჯუნგლი ცოცხალი არსება იყო, თავის სული გააჩნდა და ის ქმნიდა, ასაზრდოებდა ირგვლივ ბუნებას. ერთხელ, არავაკის ტომებს საშინელი გვალვა დაატყდათ თავს - დაშრა მდინარეები, გახმა ხეები, საფრთხის ქვეშ აღმოჩნდა ადამიანების სიცოცხლე.

როგორც ლეგენდა მოგვითხრობს, სწორედ მაშინ ტომის შამანმა სიზმარში ნახა ამაზონის ჯუნგლის სული, რომელმაც დიდი საიდუმლო გაუმხილა. სულმა მოუთხრო, რომ ჯუნგლის სიღრმეში ხარობს სიცოცხლის და სიჯანსაღის ჯადოსნური ხე კამუ-კამუ, რომელსაც შეუძლია გადაარჩინოს უამრავი ადამიანის სიცოცხლე. გამოღვიძებულმა შამანმა გამბედავი ახალგაზრდები მოიხმო და ხის საძებნელად წავიდა. გზად უამრავი ხიფათი და თავგადასავალი გადახდათ, მაგრამ ბოლოს მაინც აღმოაჩინეს სიზმრად ნანახი ხილი, მოაგროვეს მისი ნაყოფი და გვალვის დასრულებამდე მისი წვენით საზრდოობდნენ.

ასე გადაარჩინა კამუ-კამუმ და ჯუნგლების სულმა მთელი ტომი. მას შემდეგ ლეგენდა თაობიდან თაობას გადაეცემა, ხოლო კამუ-კამუს დღემდე იყენებენ დღეგრძელი და ჯანსაღი სიცოცხლის შესანარჩუნებლად.

სუპერ ძალები

ინფექციის პრევენცია

კამუ-კამუ ეფექტურია ორგანიზმში ანთებითი პროცესების დასარეგულირებლად. მასში შემავალი ელაგის მჟავა ანტიოქსიდანტია, რომელიც აინჰიბირებს ანთების გამომწვევ ფერმენტ ალდოზა რედუქტაზას და ამცირებს მგრძნობელობას C-რეაქტიულ ცილაზე.

იმუნიტეტის გაუმჯობესება

C ვიტამინი თუთიასა და რკინასთან ერთად მნიშვნელოვან როლს ასრულებს იმუნიტეტის გაძლიერებაში. კამუ კამუ მდიდარია აღნიშნული მიკროელემენტებით, რომლებიც უზრუნველყოფენ ორგანიზმში ანტისხეულების წარმოქმნას და ძლიერ იმუნიტეტს.

ბუნების საგანძური