სორგოს თესლის წარმომავლობაზე უამრავი ვერსია არსებობს. ჯერ კიდევ ჩვენ წელთაღრიცხვამდე მას გამოიყენებდნენ ინდოეთში, ჩინეთში, ეგვიპტესა და მთელ აფრიკის კონტინენტზე. ევროპის ქვეყნებში სორგო პირველად ინდოეთიდან მოხვდა და ამის შემდეგ დაიწყო გავრცელება ამერიკის კონტინენტზე.

ერთ-ერთი ყველაზე ძველი ლეგენდის თანახმად კი სორგოს თესლის პირველი კვალი აღმოჩენილია ბრინჯაოს ხანაში, ეკვატორულ აფრიკაში, თეთრი და ცისფერი ნილოსის შესართავთან აღმოცენებულ ქუშის სამეფოში, სადაც დიდად აფასებდნენ ამ უნიკალური მცენარის საკვებ თვისებებს და მასობრივად მოშენებაც დაიწყეს. სორგოს თესლი შეუცვლელ საკვებს წარმოადგენდა მთელი ცივილიზაციისთვის.

ის უმნიშველოვანესი კულტურული ელემენტი გახდა აფრიკის კონტინენტის მოსახლეობისთვის – კეთილდღეობის მოსაზიდად, კარგი იღბლისა და ბედნიერებისთვის, სორგოს თესლისგან დამზადებული საკვები აუცილებელი შესაწირი იყო ღვთაებებისთვის.