წითელი კინოა

„ოქროს მარცვალი“

ლეგენდა

სამხრეთ ამერიკის კონტინენტზე ანდების მთებში, მდინარე ტიტიკაკას მიდამოებში ათასწლეულების მანძილზე ხარობდა ველური კინოა, რომელსაც ადგილობრივი ტომები ყოველდღიურ საკვებად იყენებდნენ. აიმარას ტომებს სჯეროდათ, რომ ციდან ჩამოსული ვარსკვლავი შეხვდა ახალგაზრდა გლეხს, მოიხიბლა მისით და საჩუქრად „ოქროს მარცვალი“ უბოძა დასათესად.

თუმცა, კინოას მასობრივი კულტივირება და აღზევება ინკების ცივილიზაციას უკავშირდება. ლეგენდის თანახმად, ინკების იმპერატორი ყოველ წელს მართავდა ცერემონიას, როდესაც ოქროს კვერთხს დაჰკრავდა ხოლმე მიწას, პირველ თესლს აგდებდა მასში და კინოას დათესვის სეზონს გახსნილად აცხადებდა.

კინოა ღვთიური წარმოშობის პროდუქტად ითვლებოდა, აქტიურად გამოიყენებოდა ყოველდღიურ რაციონში და ყოველგვარი მარცვლეულის მშობელ დედასაც კი უწოდებდნენ პატივისცემის ნიშნად.

სუპერ ძალები

წონის კორექცია

კინოა რთული ნახშირწყლების წყაროა, რომელიც ეხმარება ორგანიზმს წონის შენარჩუნებასა და გახდომაში. ასევე, მდიდარია მცენარეული წარმოშობის რკინით, რომელიც აუცილებელია ჯანსაღი ჰემოგლობინის დონის შენარჩუნებისთვის და მეტაბოლური პროცესების რეგულისებისთვის.

სტრესის შემცირება

კინოა მდიდარია მაგნიუმით. მაგნიუმის ნაკლებობა კი არღვევს ნერვული იმპულსების გადაცემის პროცესს, რაც იწვევს გაღიზიანებას, ნევროზულობას და სტრესს. გარდა ამისა, კინოა დამატებით შეიცავს სტრესის შემამცირებელ ვიტამინებს E, B2, B9 და თუთიას.

ბუნების საგანძური